- استدعاء تجارب غير محددة ومبهمة: فعلنا ذلك في القوات المسلحة
- إسقاط المسؤولية على الآخرين: ده دور الإعلام بقى مش دوري. لابد من مساعدة الشعب. أراهن على إرادة المصريين. أراهن على المرأة المصرية. البلد على المحك.
- خطط عقيمة والادعاء أن هذه مجرد أمثلة للهروب من الاتهام بالخواء الفكري
دعنا نطبق هذا على مثال للتوضيح:
تخيل شابا تقدم لخطبة امرأة. سأله والدها: هاتجيب شقة منين؟ فأجاب: اللي بيحب قادر يجيب عشرين شقة مش شقة واحدة يا عمي. الحب مش كلام.
الوالد: أيوة يابني ازاي يعني هاتجيبها
الشاب: طول عمرنا كأسرة لما بنعوز نعمل حاجة بنعملها. أخويا لما تزوج جاب الشقة في شهر. أخويا التاني عمل كده.
الوالد: طيب قول لي أي شيء أعرف به خطتك لشراء الشقة
الشاب: فيه تفاصيل كتيرة. ممكن مثلا أقول لك إني هافتح مطعم وهاعمل فيه سندوتشات فول وطعمية وإنت عارف إن الحاجات دي بتكسب. تخيل بقى لو قلنا أفكار تانية. ده مجرد مثال عشان تطمئن.
الوالد: طيب يابني إحنا عايزين نعرف عملك شريف ولا فيه ما لا يرضي الله
الشاب: بص يا عمي. احنا أسرة محترمة جدا ومتربية جدا ولا يمكن نشتغل حاجة تغضب ربنا.
الوالد: معلش يابني أنا برضه مازلت عايز أعرف بتشتغل ايه يعني بالظبط؟ ما انا ماينفعش أجوز بنتي لواحد عاطل.
الشاب: أنا مش هاسمح لك إنك تقول عاطل تاني.
الوالد: يابني أنا أقصد...
الشاب مقاطعا: انت عايز تتكلم ولا تسمع؟
الوالد: اتفضل يابني
الشاب: يا عمي إنت عليك دور كبير. ما انت لو ماساعدتنيش مش هاعرف أتجوز بنتك.
الوالد: طب يابني وأجوزها لك ليه. ما يجي حد عايز ما دمت إنت مش عايز تتقدم خطوة.
الشاب: أنا مش مش عايز. أنا مش قادر. لو قادر هاديك. لازم كلنا نيجي على نفسنا. يعني مش لازم بنتك تطلب شبكة ومهر والكلام ده.
الوالد: بس يابني إنت لابس ساعة قيمتها 7000 دولار
الشاب: شوف يا والدي. عايزك تطمئن إني مش هايكون معايا حاجة وهابخل بيها على بنتك أبدا. أبدا. صحيح.
ليست هناك تعليقات:
إرسال تعليق